ඉන්දියන් සාහිත්‍යයේ නව පෙරළිකාරයා -චේතාන් භගත්

පොත් කියවන අයට නම් චේතාන් භගත් (Chethan Bhagath)  කියන්නේ අමුතු නමක් නෙමෙයි. ‘දෙන්න දෙපැත්තේ ආරති මැද්දේ , යස්ස ළමිස්සි, හැංගි විහංගි, මොන මගුලක්ද මන්දා, හලෝ හලෝ ’ වගේ නම් වලින් ඔහුගේ පොත් කිහිපයක්ම සිංහලට පරිවර්තනය වෙලා තියෙනවා. ඉන්දියානු ජාතිකයෙක් වන චේතාන් භගත්ව ලෝකයා හදුනාගන්නේ නාගරික මධ්‍යම පාන්තික තරුණ තරුණියන් පිලිබදව නාට්‍යම ශෛලයේ නවකතා ඉංග්‍රීසි බසින් රචනා කරන නවකතාකරුවෙක් ලෙසයි. ඒ වගේම ඔහු  තීරු ලේඛකයෙක්. තිර රචකයෙක්. රුපවාහිනියේ සුපිරි තරුවක් වගේම අභිප්‍රේරක දේශකයෙක්.

චේතාන් භගත්

 

වර්ෂ 1974 අප්‍රේල් මාස 22 වන දින මෙලොව එලිය දුටු චේතාන්ගේ පියා හමුදා නිලධාරියෙක්.මව රජයේ නිලධාරිනියක්. එකම සොහොයුරා කේටානුත්  (Ketan) නවකතාකරුවෙක්.  ඔහු අධ්‍යාපනය ලැබුවේ දිලියේ හමුදා පාසලකින්. පසුව Indian Institute Technology Delhi (IIT) ආයතනයෙන්  යාන්ත්‍රික ඉංජිනේරු අංශයෙන් තම උපාධිය ලබාගත්තා.  1997 වසරේදී ඔහු MBA උපාධියත් සම්පුර්ණ කළා.

 

අභ්‍යන්තර සම්මුඛ පරීක්ෂණ 27කට මුහුණ දීමෙන් අනතුරුව චේතාන් ආයෝජන බැංකු ක්ෂේශ්ත්‍රයේ ඉහලින්ම වැජඹෙන Goldman Sachs හි රැකියාව ලබාගත්තා. එහි හොංකොං ශාඛාවේ වසර 10ක් පමණ සේවය කල ඔහු ඒ අත‍රතුරදී Five point someone කෘතිය ප්‍රකාශයට පත් කළා. ඔහුව රැකියාවෙන් ඉවත් කල නිසා, නැවතත් ඉන්දියාවේ මුම්බායි නගරයට පැමිණි චේතාන් තම ලේඛන දිවිය උදෙසා තම සම්පුර්ණ කාලය වෙන්කළා. ඔහු 1998 වර්ෂයේදී තම පෙම්වතිය වූ අනුෂා සුර්යනාරයන් විවාහ කරගත්තා. ඇය තමිල්නාඩු ප්‍රාන්තයේ තරුණියක්.ඔහු දැන් දෙදරු පියෙක්.

චේතාන් තම පවුලේ සාමාජිකයින් සමගින්

 

චේතාන් විසින් රචිත බොහෝ ග්‍රන්ථ විශාල වශයෙන් විකිණුනා.ඒ වගේම විවිධ භාෂාවන්ට පරිවර්තනය වුණා. සිංහල බසිනුත් ඔහුගේ පොත් රසවිදීමේ අවස්ථාව අපිට තියෙනවා. Five point someone (2004), One night at the call centre (2005), The three mistakes of my life (2008), 2 states (2009), Revolution 2020 (2011), Half girlfriend (2014)  හා One indian girl (2016) ඔහුගේ පොත් අතුරින් කිහිපයක්.

 

එම පොත් කිහිපයක්ම බොලිවුඩ් චිත්‍රපට ලෙසත් ප්‍රේක්ෂකයා වැළදගෙන අවසන්. Kai po che, 2 States,Half girlfriend, 3 idiots හා Hello එයින් වඩාත් ජනප්‍රිය වුනා. ඉන්දියානු ඉතිහාසයේ ඉංග්‍රීසි බසින් ලියූ නවකතා විශාලතම විකුණුම හිමි පුද්ගලයා ලෙසත් The New York Times සගරාව චෙතාන්ව නම් කලා. ඔහු ලෝකයේ බලගතුම පුද්ගලයින් සියදෙනා අතරටත් අයත්වෙනවා.

 

ඔහු The times of india හා Hindustan Times  පුවත්පත්වලට තීරුලිපි සම්පාදනය කරනවා.එමෙන්ම ඔහු රුපවාහිනී වැඩසටහන් ඉදිරිපත්කරන්නෙක්. එමෙන්ම බොලිවුඩ් සිනමාවේ තිර රචකයෙක්. අධ්‍යාපනික ආයතන, සංවිධාන, පුවත්පත් ආදියෙන් සංවිධානය කරන වැඩසටහන් වලටත් ඔහු සම්පත් දායකයෙක් ලෙස සහභාගිවෙනවා.

Frobes India සගරාවට අනුව ඔහු 2016 වර්ෂයේ ඉන්දියාවේ කීර්තිමත්ම තැනැත්තෙක් බවට නම් කරනු ලැබුවා.

 

ඔහු පහත සම්මාන දිනාගනිමින් තම නාමය ලොව ප්‍රචලිත කළා.

  • Society Young Achiever award in 2004
  • Publisher’s recognition award in 2005
  • Fimfare award for Best screen play 2014: Kai po che
  • CNN-IBN Indian of the year in Entertainment in 2015

 

 

 

තාමත් ඔබ පරක්කු නෑ. කියවලා නැතිනම් අදම ඔයාලත් චේතාන්ගේ පොතක් කියවලා බලන්න. ඔයාලට දැනුම වගේම ලොකු වින්දනයකුත් ලැබේවි.

 

 

අන්තර්ජාලය ඇසුරෙනි.

 

 

 

අවසන් බලපොරෝතුව …

නිවන් සුව කියල කියන්න කලින්..අවසරයි මචං..ඒ ඩයිරිය තිබ්බෙ ඒ කතාව එක්ක උගේ කතාවා බොලාට කියල යන්න…

(නම ගනේමුල්ල ආරච්චිගේ තිවංක ප්‍රසාද්.වයස අවුරුදු 22 යි..අවුරුදු 23 වෙන්න තිබුනෙ ලබන මාසෙ 13 ට…පවුලෙ හිටියෙ අම්මයි තාත්තයි විතරයි.සේවය කරේ දකුනු කොරියාවෙ ක්‍යොන්ගි-දෝ,මාසොන් නගරයෙ තිබුනු යකඩ උනු කරන කර්මාන්ත ශාලාවක.)

“අද ගොඩාක් සීතල දවසක්..මට හිතෙන්න අද ෆෝන් එකේ සෙල්ශියස් අංශක -10° පෙන්නුවට ඊට වැඩියිද කොහෙද..අම්මා මතක් වුනා අද දවසෙම.වැඩ කරද්දි දෙපාරක් ම ප්ලේට් දෙකක් මිස් වෙලා සජන්නිම්(බොසා)ගෙන් බැනුනුත් ඇහුවා..මතක් උනේ අපේ ගෙදර වහින දවසට අම්ම උනුවෙන් උයල දෙන බතුයි..පොල් මැල්ලුමයි..සුදු නැන්ද අවුරුදු ගානකට කලින් රටින් ගෙනල්ල දුන්න පරණම බෙට් ශිට් එකයි..වෙලාවකට බයයි..හීනෙ පරක්කු වේවිද කියලා..අම්මට නොකියම පුදුම කෙරෙව්වම තමයි මට සතුටු..ලබන සතියෙ අඟහරුවාදට අම්මගෙ හැදුනුම් පත ආවම මං ජීවිතෙන් බාගයක්ම දින්න කියල හිතෙයි..රෑ 12.58 යි..මහන්සියි ගොඩාක්..
බුදු සරණයි.
අම්මටයි මටයි…”

හොදම ම යාලුව වෙච්චි මම තමයි තිවංකගෙ එකම එකා..මං දන්නව උගේ ගැන ඌටත් වඩා..
දන්නවද මචං තිවංක ඔය ඩයිරියෙ මැරෙන්න කලින් දවසෙ රෑ ලියල තිබ්බ අවාසාන පිටුව.ඔය පිටුවෙ ඌ පොඩි වචන ටිකක් නෙමේ ලියල තියෙන්නෙ වචන ඇතුලෙ උගේ ජීවිතෙන් බාගයක්ම ලියල තියනවා මං බොලාට එකින් එක කියනම් කෙටියෙන්ම..

ඌ මචං උබල වගේ ලංකාවෙදි(ගෙදරදි) පොල් සම්බලුයි බතුයි කෑවෙ නෑ බං.. සුදු හුනු කලවම් කරල හදපු බිත්ති එක්ක ටකරන් ගෙදරක තමයි ඌ හිටියෙ..ජිවිතේ කියල හයියට අම්මටයි තාත්තටයි දෙන්නටම හිටියෙ රත්තරං අනෝරා නැන්ද(තිවංකගෙ අම්මා) විතරයි.පවුලෙන් කොන් වෙලා හිටපු උන්ට සරනක් වෙලා කාලයක් හිටියෙ උන්ගෙ රට හිටපු සුදු නැන්ද විතරයි..එයත් ලංකාවට ආවට පස්සෙ ටිකක් වෙනස් වුනා..ජීවිතේ ජීවත් කරගන්න කොහොම හරි ගැට ගහගන්න තමයි..ලෝක ගේමක් දීලා කොරියන් ආවේ..
ඌට පොල් සම්බල කන්න තිබ්බෙ නෑ කිව්වෙ මචං..උන්ට තිබ්බෙ ගහෙන් වැටෙන පොල් ගෙඩි විකුනලා හාල් ගෙනල්ල..ඒ වැටෙන පොල් ගෙඩියක් එක්කම කට බඩ පුරවගන්න පරිසරයක්..මැල්ලුමට ඕන කහයි ලුනුයි ගෙදරින් වලං හෝදන තැන හැදිල තියන කොච්චි ගස් දහයයි තමයි උන්ගෙ කෑම වේලට හයියක් වෙලා තිබ්බෙ..බිමට කියල එලා ගන්න තිබ්බෙ රටින් හම්බුන සුදු නැන්දගෙ බෙට් ශීට් එක විතරයි .බොලාට වගේ වෙනම කාමරයක වෙනම ඇඳක් තිබුනෙ නෑ..ඌට හීනෙකට කියල තිබ්බෙ අපිට වගේ කාර් එකක් ගෙයක් හදන එකක් නෙමෙයි..ගන්න පඩියකින් ඉස්සෙල්ලම ණය ටික ගෙවල අම්මව දඹදිව යවන්න..ණය ටික ගෙව්වෙ ගිය මාසෙ පඩියෙන්..මේ මාසෙ පඩියට තව දවස් 16 යි..හිර වෙලා තිබ්බෙ අම්මගෙ හැදුනුපත ජේ.වී.පී කලබල කාලෙ නැතිවෙලා..ඒක හදාගෙන තැපෑලෙන් එන්නෙ මේ එන සතියෙ අඟහරුවාදා..ඊට පස්සෙ ඉතිං මේ මාසෙ ඇතුලත අම්ම දඹදිව යවනවා..ඌ ජීවිතේ හීනෙ ඇත්තක් කරගන්නවා…

ඒ තමයි ඌ හිතන් හිටිය හැටි..ඒත් ඌ පෙරේදා උදේ 9.30 ට යකඩ මැශින් එකකට ඇදිල ගිහිං..ඔලුව කුඩුවෙලා අපි අතරින් සමුගත්තා..

අම්මෙක්ට ආදරය තාත්තෙක්ට ආදරය කරන මේ වගේ පුත්තු ගොඩාක් රට රටවල් වල ඉදන් මේ වගේ අහිංසක හීන ගොඩාක් දකිනවා..ඒ හීන වලට මේ කවිය උපහාරයක් ම වේවා..

…………………………………………………..

මටත් ඉස්සර මගේ හීනෙට දුවල දුවල ම හති නිසා
ඊයෙ හීනෙත් අම්ම දැක්කෙ ම අඩනවා ඉකි ගස ගසා
හදේ රිදුමක් සුසුම එක්ක ම තවරලා කදුලින්
වසා
යන්න තප්පරයකට කලියෙන් ආදරෙයි මං පොඩි ජොසා

ණයට පොත් වල ලියූ තැනවල අම්මගෙ හදවත බුරා
බැනුම් කෝටිය දවස තිස්සෙම මුදලාලි, ජොසියල,සරා
ගිය මාසේ ඉදලත් ගෙනාවලු සල්ලි දීලම
අනෝරා
ඉතුරු සල්ලිත් තියෙයි යහමින් පුතේ ලියුමක් එන තුරා

හීනයක් තිබුනනම් ඒ මට අම්ම දඹදිව එක්ක යන එක
මතයක් තිබුනනම් හරියට ගෙවපු ජීවෙතෙ
අම්මගේ දුක
දිනුවනම් මම ජීවිතෙන් හෙට අම්ම රැජිනයි
මාලිගාවක
හේතු නම් මඟ මටත් ඉස්සර මගේ ජීවිතේ සමුගත්ත එක

ජීවිතේ කෙටි මංසලක් බං අපි හිතුවටත් වඩා දුරකට
මටත් දුක බං අම්ම එක්කන් මැරෙන්නට පෙර නොගිය හීනෙට
දෙයක් හිතුනොත් හොද ම අදනම් කරගනින් නොසිතාම දෙලොවට
මචං ඉක්මං වෙයං හනිකට අම්ම අප්පට සලගන්නට

 

(කාලෙකින් ලිව්වා මචං නම් ගම් දාලා වෙනස් කතාවක්..හොද නරක කොටාගෙන යමං..තව එකෙක්ට බලන්න shear කරගෙන ම)

(මන් ලියපු එකක් නෙමෙයි……..ඒත් කොරියාවේ ඇවිල්ලා මැශින් එකක් එක්ක ජීවිතේ හොශම වයස දිය කරන අපි වගේ උන්ගේ හැම කතවක්ම මේ ක්තවට ගොඩක් සමනයි……..මාසෙකට ලක්ශ 2,3ක් ගත්තට ඒ හොයන සල්ලි ඇතුලේ දුක වේදනාව ගොඩක් පිරිලා තියෙනවා…….ඉරිසියා කරන්න එපා බන්……ජීවිතේ හද ගන්න අපි මර කට්ටක් කන්නේ…………)

 උපුටා ගැනීම

ජන හද දිනූ අපේ ක්‍රීඩකයා- ඩිලන්ත මාලගමුව

සුවහසක් ශ්‍රී ලාංකික ජනයා  ඔහුගේ දස්කම් දැක සතුටින් ඉපිල්ලුනා. ඉන්දියන් සාගරයේ මුතු ඇටය ලොව සුපතල වීමට ඔහුගේ ජයග්‍රහණ නොමද පිටුවහලක් වුනා. ඔහු වෘත්තියෙන් රේසින් කාර් පදවන්නෙක්. වර්ෂ 2009 දී ඔහු පිහිටවූ ඩිලන්ගෝ රෙසින් (Dilango Racing) කණ්ඩායමත් සමගින් ඔහු මේ වනවිට කාර් රේස් තරගවලට සහභාගී වෙනවා. ඔහු ලංකා නාමය ලොව දිදුළවමින් ලබා ගත ජයග්‍රහණ ප්‍රමාණය අතිමහත්. ඔහු නමින් ඩිලන්ත මාලගමුව.

වර්ෂ 1963 ජුනි මස 24 වනදා කුරුණෑගල දී උපත ලැබූ ඩිලන්ත රන්ජුල බණ්ඩාර මාලගමුව පළමුව කුරුනෑගල ශාන්ත අන්තෝනි විද්‍යාලයෙන්ද අනතුරුව මහනුවර ත්‍රිත්ව විද්‍යාලයෙන්ද අධ්‍යාපනය හැදෑරුවා. ඔහු අධිධාවන (Racing) තරග වලට යොමු වුයේ වයස අවුරුදු 16දී මෝටර් බයිසිකල් ධාවන තරගයක් ජයගැනීමෙන් අනතුරුවයි.එයින් සතුටට පත්වූ ඔහුගේ සොහොයුරියන් දෙදෙනා ඩිලන්තට යමහා TZ350 රථයක් තිලින කිරීමට  ඔවුන්ගේ පියාව නම්මා ගත්තා.ඉන් අනතුරුව,ඩිලන්ත ඉන්දියාවේ කල්කටා නගරයේ පැවති ඔහුගේ පළමු ජාත්‍යන්තර තරගයට සහභාගී වී හයවන ස්ථානය අත්පත් කරගත්තා.

 

එහිදී ඔහුට හමුවු  ජපන් ජාතික මොටර්බයිසිකල් ශුරයකු වූ මට්සුමෝටො කෙන්මෙයිගේ (Matsumoto Kenmei) මගපෙන්වීම හරහා  ඩිලන්ත ජපානයට ගොස් තම හැකියාව පුහුණුව මගින් තවත් ඔප්නංවා ගත්තා.වර්ෂ 1985දි ජපානයට ගිය ඩිලන්ත 1997දි Formula Nippon (F3000) තරගයේ ජපානය  නියෝජනය කිරීමට ජපන් ජාතිකයකු නොවන ප්‍රථම ආසියානුවා බවට පත්වීමට වරම් ලැබුවා. එම තරගයෙන් ජය ලැබූ ඔහුට එවකට සිටි ජපන් අගමැතිවරයා පවා සුභාශිංසන එක්කළා.

 

අනතුරුව ඔහු ලබා ගත් ජයග්‍රහණ කිහිපයක් පහත දැක්වෙනවා.

 

  • 2002- Bathrust 24 Hours Race (AUS) – 1st runner up (Class A)
  • 2006 & 2007- Malaysia Super Car Series – Champion
  • 2008 & 2009- Aston Martin Asia Cup- 1st runner up
  • 2010- GT Asia – Champion
  • 2013- Asian Le Mans – Champion
  • 2016- Lamborghini Super Trofeo Asian Series 2016- Champion
  • 2017- Lamborghini Super Trofeo world finals -3rd place

ජාත්‍යන්තර තරගබිමේදී ශ්‍රී ලංකාව නියෝජනය කිරීම හා එම තරගාවලි සදහා ඔහුගේ දායකත්වය අගයනු වස් වර්ෂ 2012දී ඩිලන්තට ශ්‍රී ලංකා ඔටෝ ස්පෝර්ට්ස් ආයතනය මගින් ජාතික වර්ණ තිළිණය ප්‍රදානය කරනු ලැබුයේ එවකට සිටි ක්‍රීඩා අමාත්‍යවරයා අතින්.

ශ්‍රී ලංකාවේ ජනාධිපති වන මෛත්‍රීපාල සිරිසේන මහතා ඩිලන්තව ඇගයීමට ලක්කලේ ‘2015 වර්ෂයේ විශිෂ්ටතම ක්‍රීඩකයා’ ට හිමි ජනාධිපති සම්මානයෙන් පුදදෙමින්.එමෙන්ම එහිදී ඩිලන්ගෝ රේසින් කණ්ඩායම 2015 වර්ෂයේ විශිෂ්ටතම විවේකි ක්‍රීඩා සපයන්නාට හිමි ජනාධිපති අනුශුරතා සම්මානයෙන් පිදුම් ලැබුවා.

 

2017 වසරේ ලම්බෝගිනි තරගාවලියේදී ඩිලන්ත ලබා ගත ජයග්‍රහණයත් සමග ලොව පුරාම ඩිලන්තගේ නාමය ප්‍රචලිත වුවේ ලක් මෑණියන්ට තවත් කිර්ති නාමයක් අත් කරදෙමින්.

 

ඩිලන්ත ජපානයේ පුරවැසිභාවය හිමි ශ්‍රී ලාංකිකයෙක්.මේ වනවිට ඔහු තම පවුලේ සාමාජිකයින් සමගින් මැලේසියාවේ පදිංචිවෙලා ඉන්නවා.ඩිලන්ත මැලේසියාවේ Sepang International Racing Circuit නම් ආයතනය පවත්වාගෙන යනවා.

 

වර්ෂ 2016දී  ඩිලන්ගෝ රේසින් කණ්ඩායමට ඔවුන්ගේම රුපවාහිනි වැඩසටහනක් කිරීමට අවස්ථාව ලැබුනා. එය “Racing Life with Dilantha Maalagamuwa” ලෙසින් ස්වාධින රුපවාහිනී නාලිකාවේ විකාශනය වෙනවා. එහි පල වන්නේ ඩිලන්ත ලබාගත් ජයග්‍රහණ පිලිබදවයි. සෑම බදාදා දිනකම ශ්‍රී ලංකා වේලාවෙන් ප.ව.9.30ට මෙම වැඩසටහන විකාශනය වෙනවා.

ශ්‍රී ලංකාවේ හෘදයාබාධවලින් පෙලෙන කුඩා දරුවන් වෙනුවෙන් ක්‍රියාත්මකවෙමින් පවතින Little Hearts ව්‍යාපෘතියටත් ඩිලන්ත ඔහුගේ නොමද සහය ලබාදෙනවා.

 

ඩිලන්ත කියන්නේ ලක්මාතාවට අභිමානයක්. මැණිකක්. ගෞරවයක්. ඉතින්, තවත් බොහෝ කාලයක් නිරෝගී සුව අත්විදිමින් තව තවත් ජයග්‍රහණ අත්පත් කරගැනීමට හැකිවේවා යැයි දියනෙත් අපිත් හදවතින්ම සුභපතනවා.

 

අන්තර්ජාලය ඇසුරිනි.

 

 

ශ්‍රී ලංකාවේ අමරණීය ගෘහ නිර්මාණ ශිල්පියා – ජෙෆ්රි බාවා

බටහිරකරණයට ලක්ව තිබූ ලාංකේය  ගෘහ නිර්මාණ ශිල්පය දේශීය කලාවක් බවට නැවත පත් කිරීමේ ගෞරවය හිමිවන්නේ ඔහුටය. නිවර්තන නුතනවාදය (Tropical Modernism) නම් සංකල්පයේ නිර්මාතෘවරයා වන මෙතුමා ශ්‍රී ලංකා ගෘහනිර්මාණ ශිල්පයේ හැරවුම් ලක්ෂය බවට පත්වුනා. ඔහුටම ආවේනික වූ නිර්මාණයන්  ලංකාවේ පමණක් නොව මුළු ලෝකය පුරාම ප්‍රචලිත වුනා.

 

1919 දී  උපත ලැබූ ජෙෆ්රි බාවා 1944 දී අධි නිතීඥයෙක් බවට පත් වුනා. ඒ ලන්ඩන් මිඩ්ල් ටෙම්පල් හිදී නිතිය හැදෑරීමෙන් පසුවයි. නමුත් මෙම සියලු වෘත්තින්ගෙන් සමුගෙන ඔහු වයස අවුරුදු 38දි ගෘහ නිර්මාණ ශිල්පියෙක් බවට පත්වූවා.

 

ලොවම මවිතකළ ලොව සුපතල නිර්මාණ රැසක් ඔහුගෙන් බිහිවන්නේ ඉන් පසුවයි. ශ්‍රී ලංකා ගෘහ නිර්මාණ ශිල්පී ආයතනයේ මුලස්තානය, පාර්ලිමේන්තු සංකීර්ණය, රුහුණු විශ්ව විද්‍යාලය, කණ්ඩලම හෝටලය, හිල්ටන් හෝටලය, ලයිට් හවුස් හෝටලය, ගංගාරාම සීමා මාලකය, බ්ලූ වෝටර්ස්  හෝටලය, ලුණු ගග උද්‍යානය මෙන්ම අකුරැස්ස නිල්වලා විද්‍යාපීඨය ඔහුගේ දක්ෂතාවය ලොවටම හඩගා කියන නිර්මාණයන්. ඔහු මෙරට පමණක් නොව විදේශයන් හිද  නිර්මාණ කොට තිබෙනවා. ඔහු ඉදිකළ සංචාරක හෝටල් 30 අතුරින් 18ක් පමණම විදේශයන් සදහා නිර්මාණය කල ඒවායි.

 

ශ්‍රී ලංකාවේ උත්තරීතර ආයතනයක් වන දියවන්නා ඔය මැද පිහිටි පාර්ලිමේන්තු ගොඩනැගිලි සංකීර්ණය ඔහුගේ විශිෂ්ටතම නිර්මාණයක්. 1979-80 කාලයේදී ඉදි වූ මෙම ගොඩනැගිල්ල ජෙෆ්රි බාවාගේ නිර්මාණ කෞශල්‍යය මනාව විහිදා දක්වනවා. පාර්ලිමේන්තුවේ නිර්මාණ කාර්යය ජෙෆ්රි බාර දී ඇත්තේ වසන්තා යාකප්ෂන් නම් ගෘහ නිර්මාණ ශිල්පිනියටයි. නමුත්, ඇය අතීත තොරතුරු හෙළි නොකිරීම නිසා පාර්ලිමේන්තු සංකීර්ණය ගොඩනැගීමේ ඉතිහාසය අපට හරිහැටි දැනගැනීමට නොහැකියි.

ශ්‍රී ලංකාවේ පාර්ලිමේන්තුව

තමන්ගේ නිර්මාණයට ප්‍රධාන අක්ෂයක් එක් කිරීම ජෙෆ්රිගේ නිර්මාණ වල දක්නට ඇති ලක්ෂණයක්. ප්‍රධාන අක්ෂයට අනකුත් කොටස් එක් කිරීම සිදු වෙනවා. එමගින් සමමිතික නිර්මාණයක් බිහි වෙනවා. මෙය Classical Architecture නමින් හැදින්වෙනවා.

 

දේශීය හා විදේශීය ආරයන් මිශ්‍ර කොට නව සංකල්පයන් ඔස්සේ ජෙෆ්රි බාවා නිර්මාණ කල බව විද්වතුන්ගේ මතයයි. ස්වාභාවික පරිසරය ඔහු තම නිර්මාණ තුලට යොදා ගත්තා. ලොව සුපතල කණ්ඩලම හෝටලය මෙයට ඇති හොදම උදාහරණයයි.  භූමියේ හැඩතල වෙනස් නොකර තම ඉදිකිරීම් සිදුකිරීමත් ඔහුගේ දක්ෂතාවයක්. එය රුහුණු විශ්ව විද්‍යාලයේ ඉදිකිරිම් මගින් මනාව ඔප්පු වෙනවා.  ගෘහ නිර්මාණයට අමතරව මුර්ති,පෝසිලෙන් ආයිත්තම්,සිතුවම්,බිත්ති කැටයම් මගින් නිර්මාණ අලංකරණය කිරීමටද ඔහුට අපූරු හැකියාවක් තිබුණා.

කන්ලඩම හෝටලය

 

යටත් විජිත්වාදයත් සමග අපේ ආකල්ප ඒක තැනක පල වූ කාලයක ජෙෆ්රි බාවා කියන්නේ විප්ලවවාදියෙක්. ඔහු පාරම්පරික සංකල්පයෙන් ඔබ්බට ගියා. ලෝකයේ ප්‍රකට කලාවක් දේශීය සංකල්ප සමග මිශ්‍ර කරලා ලාංකික පොලවේ පැලපදියම් කරා. ඉතින්, ශ්‍රී ලාංකික කලාවට ඉමහත් සේවයක් ඉටු කරපු ජෙෆ්රි බාවා ශ්‍රී ලාංකීය හදවත් තුල සදා අමරණීයයි.

 

මුලාශ්‍ර : දෙසතිය සගරාව – 2017 නොවැම්බර් කලාපය

හිරු නොබසින අධිරාජ්‍යයේ අසහාය ව්‍යවසායකයා- Richard Branson

“ සැතපුම් දහස් ගණනක් දුර චාරිකාවක ආරම්භය එහි පළමු පියවරයි.  ඔබ එය තරණය කිරීමේ අසීරුතාවය, වෙහෙස හා අනතුරු ගැන සිතමින් සිටියහොත් , ඔබ කෙදිනකවත් එම පළමු පියවර නොතබනු ඇත. ජීවිතය නම් චාරිකාව දිනාගැනීමට ඔබ උත්සාහ නොකරන තෙක් , ඔබට ඔබේ අරමුණු සාක්ෂාත් කරගත නොහැකිවනු ඇත. ඉදින් ඔබ එම ප්‍රථම පියවර තබන්න. ඔබට අභියෝග මුණගැසේවි, පසුතැවීම් ඇති වේවි, ඔබ කඩා වැටේවි, නමුත් අවසානයේදී ඔබ ජයග්‍රහණය කරනු ඇත.” මේ ඔහුගේ වචනයි, ඔහුගේ දර්ශනයයි.

හිරු නොබසින අධිරාජ්‍යයේ අසහාය ව්‍යවසායකයා ලෙස කිරුළු පලන්  ඔහු වරෙක ආයෝජකයෙක්, කතුවරයෙක්,කථිකයෙක්, නව නිපයුම්කරුවෙක් මෙන්ම මහජන හිතකාමියෙක්. එපමනක් නොව  ලොව පුරා විහිද ගොස් ඇති වර්ජින් (Virgin)  බහුජාතික සමාගමේ සාඩම්බර හිමිකරුවා ද ඔහුයි. නමින් ඔහු රිචඩ් බ්‍රැන්සන් (Richard Branson)  ය.

 

කවුද මේ රිචඩ් බ්‍රැන්සන්?

රිචඩ් දරුවෙක් ලෙස

 

වර්ෂ 1950 ජුලි මාස 18 වනදා, එංගලන්තයේ සරේ ප්‍රාන්තයේ දී,රිචඩ් චාර්ල්ස් නිකලස්  බ්‍රැන්සන් මෙලොව එළිය දුටුවා. ඔහුගේ පියා බැරිස්ටර්වරයෙක්.මව පියාසැරි උපස්ථායිකාවක්  (flight attendant).  රිචඩ් කුඩා කාලයේදී ඩයිස්ලෙක්ෂියා (dyslexia) නැමැති රෝගයෙන් පිඩා වින්දා. ඔහු වසර 16 ක් වනතුරු තම පන්තියේ අන්තිමයා වෙමින් කල් ගතකලා.ඔහුගේ රෝගය හදුනා නොගත් ගුරුවරුන් ඔහුව කම්මැලියෙක් ලෙස හංවඩු ගැහුවා. ඔහු අවුරුදු 16දි පාසල් අධ්‍යාපනයට සමුදුන්නා.

 

තරුණ ව්‍යවසායකයකු ලෙස ……………..

පාසල් අධ්‍යාපනයට සමුදුන් නමුත් රිචඩ් තමන් අදක්ෂයෙකුයි සිතා සැලුනේ නැහැ.

ඔහු  student නමැති සගරාව ආරම්භ කරා. වර්ෂ 1966 දී එළිදැක්වූ , සිසුන් පිරිසක් එක්ව කල මෙම සගරාවේ ප්‍රථම මුද්‍රණය ,ඩොලර් 8000ක් ඉපයීමට සමත් වුණා.  පළමුව මෙම සගරාව නොමිලයේ බෙදාහැරියත්, වෙළද ප්‍රචාරක ක්‍රම මගින් ලාබ ඉපයීමට රිචඩ් සමත් වුනා.  ඒ සමයේදී බ්‍රිතාන්‍යය තුල සංගීතය ජනප්‍රිය වු යුගයක් බිහිවුණා. එමගින් නව අදහසක් ලබාගත් රිචඩ් “වර්ජින්”නම්  තැපෑලෙන් ඇනවුම් කරනා පටිගත කිරීමේ (mail order record) සමාගමක් ආරම්භ කළා.  මෙයින් සාර්ථක වූ රිචඩ් ලන්ඩනයේ “වර්ජින් රෙකොඩ්ස් “ නමැති පටිගත කිරීමේ මැදිරියක් ආරම්භ කළා.

 

Virgin Records…………………

1973 දී මයික් ඕල්ඩ්ෆීල්ඩ් නම ගායකයා virgin records ලේබලය යටතේ ගීතයක් පටිගත කළා . virgin records ලේබලය

යටතේ ප්‍රථම වරට නිර්මාණය වූ “ Tubular Bells” නම් එම ගීතය බ්‍රිතාන්‍ය තුල අතිශයින් ජනප්‍රිය වුනා. අනතුරුව virgin records සමග අත්වැල් බැදගත් Rolling stones, Culture club  වැනි සංගීත කණ්ඩායම් virgin ලේබලය ලෝකයේ මුල්ම පටිගත කිරීමේ ආයතන හය අතරට රැගෙන ඒමට සමත් වුනා.

 

 

ව්‍යාපාරය පුළුල් කිරීම…..

රිචඩ්ගේ සාර්ථකත්වය එතනින් අවසන් වුනේ නැහැ. ඔහුට ව්‍යපාර ලෝකයේ නව සොයාගැනීම් කිරීමට අවශ්‍ය වුනා. ඒ අනුව 1980දි ඔහු “ Virgin AtlanticAirline”  ගහන යාත්‍රා සමගම ආරම්භ කළා.ක්‍රමයෙන් වර්ධනය වෙමින් ලැබ ඉපයූ මෙම සමගම 1992දි හදිසි මුල්‍යමය ගැටලුවකට මුහුණ පෑවා. ඉතින් රිචඩ්ට, එම සමාගම විකුනන්න වුනා.

නමුත් ඔහුගේ නොපසුබට උත්සාහය හා කැපවීම නිසා ඔහු ශක්තිමත්ව එම ගැටලුවට මුහුණ දුන්නා. සංගීත කර්මාන්තය තුල රැදී සිටිමින් තම ව්‍යාපාර ශක්තිමත් කල ඔහු virgin studio නමින් චැනලයක් ආරම්භ කළා.

ක්‍රමයෙන් වර්ධනය වුනු virgin සමාගම මේ වනවිට එක්සත් රාජධානිය,ඇමෙරිකාව, කැනඩාව,ඔස්ට්‍රේලියාව,දකුණු අප්‍රිකාව,ඉන්දියාව ඇතුළු  ලොව පුරා  රටවල් 35ක පමණ පැතිරිලා තියනවා.සේවකයින් 70,000ක් පමණ එහි සේවය කරනවා.  virgin  සමාගම මේ වනවිට දුම්රිය, ජංගම දුරකථන, අභ්‍යවකාශ සංචාරය ආදී ක්ෂේත්‍රත් ආක්‍රමණය කරලා.

ජීවිතය ජයගත්  රිචඩ්

 

Virgin Galagtic……

මෑත භාගයේදී, රිචඩ්ගේ අවධානය යොමු වුණේ, අභ්‍යවකාශ සංචාරක කර්මාන්තය තමන්ගේ ව්‍යාපාරයට ඈදා ගැනීම පිලිබදවයි. ඔහු කුඩා කාලයේ පටන් වීරක්‍රියා කිරීමට කැමති අයෙක්. අත්ලාන්තික් හා පැසිෆික් සාගරය හරහා උණුසුම් වායු බැලුනයක් යොදාගනිමින් තරණය කරන්නත්  ඔහු සමත් වුනා.  2013දි ආරම්භ කල Virgin Galagtic අභ්‍යවකාශ සංචාරක  සමාගම මේ වනවිට සාර්ථක ආදායමක් උපයනවා. වර්ෂ 2009 වනවිට පුද්ගලික  දුපත් දෙකක හිමිකාරයෙක් විදියට “ලෝක බිලියනපතියන්”ගේ ලැයිස්තුවටත් ඔහුගේ නම ඇතුල් වුණා.

 

ඔබට එය කල හැකියි…

virgin සමාගමේ සේවකයින් රිචඩ්ට අමතන්නේ Dr.Yes යන සුරතල් නාමයෙන්, ඒ ඔහුගේ ශබ්ද කෝෂයේ “බැහැ”යන වචනය නැති නිසයි.

රිචඩ් තම මව සමගින්

“බැහැ  යන කුඩා වචනයට අපගේ සිහින බොද කරන්න ඉඩ දෙන්න හොද නැහැ. කුමක්  හෝ ක්‍රමයකින් තමන්ගේ ඉලක්කය වෙත ලගාවිමට මාර්ගයක් හොයාගන්න ඕන. නිතරම ඔබ අවදියෙන් සිටින්න ,එවිට ඔබට අනිවාර්යෙන්ම මාර්ගයක් පෑදේවි”  රිචඩ් මෙහෙම සදහන් කරන්නේ “Screw it, Lets Do it” නම් ග්‍රන්ථයේයි.  තමන්ගේ අම්මා තමන්ගේ ජිවිතයේ  ආදර්ශ නියමුවා වූ බව ඔහු වැඩිදුරටත් පවසනවා.

කතුවරයෙක් ලෙසත් ප්‍රසිද්ධියට පත්වුණ රිචඩ් පොත් ගණනාවක් ලියලා තියෙනවා. “Virgin Rebel, Like a virgin, Screw it lets do it, Finding my virginity”  ඒ අතරින් කීපයක්.

 

 

සිහින පසුපස හඹායාම, අත්නොහැරිම,යථාර්තවාදී අරමුණු සකස් කරගැනීම, එකිනෙකාට උදව් කිරීම,  හොදින් සුදානම් වීම, පසුතැවිලි නොවීම ආදී බොහෝ චරිත ලක්ෂණ රිචඩ් බ්‍රැන්සන්ගේ ජිවිතයෙන් අපිටත් උකහා ගන්න පුළුවන්.

 

“අසමත්වීම් තුලින් පාඩම් ඉගෙනගෙන  පසුබට නොවී නැවත අරඹන්න” ඒ ඔහු අපිට ලබා දෙන පණිවිඩයයි.

 

 

 

 

ඔබ බුද්ධිමත් ද? මෙන්න බුද්ධිමත්බවේ ගති ලක්ෂණ

ඔබ බුද්ධිමත් ද? තමන්ගේ සගයොත් එක්ක වැඩ කරනකොට අනිත් අයට වඩා තමන් බුද්ධිමත් බව ඔබට හැගෙනවද? ශ්‍රේෂ්ඨ විද්‍යාඥයකු වුනු ඇල්බර්ට් අයින්ස්ටයින් පවා මොළයෙන් 0.25% පමණ සුළු කොටසක් පමණක් භාවිතා කල බවට මතයක් තියෙනවා. මැතකදී සිදුකල පර්යේෂණයකදී , යම් යම් පෞරුෂ ලක්ෂණවලින් හෙබි පුද්ගලයින් තම සගයින්ට වඩා බුද්ධිමත් බව තහවුරු වී තිබෙනවා.  අද අපි ඒ ලක්ෂණ මොනවද කියල බලමු. එතකොට තමන්ටම පුළුවන් බුද්ධිමත්බවේ ගති ලක්ෂණ තම තමන්ට තියෙනවද කියල බලාගන්න.

ඔබ වමත්කරුවෙක් නම්

ඔබ වමත්කරුවෙකු නම් , ඔබට විවිධ වර්ගයේ කතුරු අවශ්‍ය වේවි. බොහෝ පරිගණක ක්‍රියා කරවීමේදී මවුසය හැසිර විමට බාධා පැමිණේවි. ඒත් ඔබ ගණිතයට අති දක්ෂයකු වේවි. මෙම වසරේ කල පරීක්ෂණයක ප්‍රථිපලයක් වන්නේ මිනිසුන්ගේ අත්හුරුව හා ගණිතමය හැකියාව අතර ඇති අර්ථාන්විත සබදතාවය හෙළිදරව් කිරීමයි. නමුත් මෙම සහසම්බන්ධය වයස හා ලිංග භේදය මත වෙනස් වෙනවා.වයස අවුරුදු 6 හා 17 අතර ඉතාලි ශිෂ්‍යයින් 2300 පමණ යොදා ගනිමින්, ලිවර්පූල් විශ්වවිද්‍යාලයේ හා මැනිලා විශ්වවිද්‍යාලයේ මනෝ විද්‍යාඥයින් කිහිපදෙනෙක් පරීක්ෂණයක් සිදුකලා. ගණිතමය හැකියාවන් හා අත් හුරුව අතර ඇති සම්බන්ධය වටහා ගැනීම මෙහි අරමුණයි. එයින් ලද ප්‍රථිපලය සංකීර්ණ වුවත්, වමත් කරුවන් ගණිතයට දක්ෂ බව නම් තහවුරු වුනා.

ඔබ අපිළිවෙල අයෙක් නම්

ඵලදායිතාවය වැඩි වීමට නම් ඔබගේ කාර්යාලිය මේසය පිලිවලට තිබිය යුතුබව  කළමනාකරුවන් පවසාවි. නමුත්, අපිළිවෙලතාවය බුද්ධිමත්බවේ ලක්ෂණයක්. වර්ෂ 2012දි ග්‍රෝනින්ජන්  විශ්වවිද්‍යාලය මගින් සිදුකල පරීක්ෂණයකට අනුව, අපිළිවලතාවය පැහැදිලි චින්තනයක් කරා මිනිසුන්ව රැගෙන යනබව අනාවරණය වුණා..තමා අවට පරිසරය අවුල්ජාලාවක් වූ විට මිනිසුන් වඩාත් බුද්ධිමත් තීරණ කරා යොමුවන බවත්, අපිළිවල මේසයක් තුලින් සේවකයින් වඩාත් සරල තීරණ මගින් තම කාර්යයන් පහසු කරගන්න බවත් පර්යේෂකයින් සොයාගත්තා. දෘශ්‍යමාන හා මානසික වියවුල්බව මිනිසුන්ගේ චින්තන ශක්තිය ඉහල නංවනවා.ඇල්බර්ට් අයින්ස්ටයින්, රෝලන්ඩ් ඩාල් වැනි දාර්ශනිකයින්, ලේඛකයින් ඔවුන්ගේ අපිලිවෙලතාවය තුලින් ලොව ජයගත් පුද්ගලයින්.

අපිලිවලතාවය අනර්ථකාරීයැයි හැගුනත්, එය ගැටළු සදහා වඩාත් නිර්මාණාත්මක විසදුම් ලබාදීමට සේවකයින් යොමු කරනබව පර්යේෂකයින්ගේ මතයයි.

ඔබ අසභ්‍ය වදන් පවසයි නම්

නිතරම  අසභ්‍ය වදන් පවසන පුද්ගලයින්ගේ ශබ්ද මාලාව , සභ්‍ය වදන් දොඩන සගයින්ගේ ශබ්ද මාලාවට වඩා විශාල බව අනාවරණය වුයේ 2014දි කල පර්යේෂණයකින් පසුවයි. භාෂා විද්‍යා ජර්නලයට අනුව අසභ්‍ය වදන් පවසන්නේ නූගත් හෝ කම්මැලි පුද්ගලයින් පමණක් නොවේ.  ලෝකයේ අසම්මත යයි පිළිගත් වචන භාවිතයට බියනොවන්නන් , අන්අයට යමක් එත්තුගන්වන්න දක්ෂයින්.

මනෝවිද්‍යාඥන් දෙදෙනක් වන ක්‍රිස්ටීන් හා තිමෝතිට අනුව,කථන ව්‍යක්තබව හා අසභ්‍ය වදන් භාවිතය අතර ධනාත්මක සබැදියාවක් පවතිනවා.

මිනිසුන් අන්‍යයින් විනිශ්චය කිරීමට ඔවුන්ගේ වාග් ශෛලිය  යොදාගැනීමත්, අසභ්‍ය වදන් දොඩන්නන් නූගත් ,කම්මැලි හා තමන් පාලනය කරගැනිමට නොහැකි අයවලුන් ලෙස හංවඩු ගැසීමත්  වැරදිබවයි ඔවුන්ගේ අදහස. සියලු අධ්‍යයන්ගෙන් අනතුරුව ඔවුන්ගේ අවසන් නිගමනය වුයේ ,සමාජයේ සම්මත යැයි නොපිළිගන්නා  වදන් භාවිතා කරන පුද්ගලයින් කතාවෙහි නිපුණයින් බවයි.

ඔබ විනෝදකාමී නම්

අබේරයිස්ට්ව්‍ත් විශ්ව විද්‍යාලයේ  (University of Aberystwyth) මනෝ විද්‍යාඥයකු වන ආචාර්ය ග්‍රීන්ග්‍රොස්  පවසන පරිදි සාමාන්‍ය බුද්ධිය හා හාස්‍යය අතර පවතින්නේ බිදිය නොහැකි සම්බන්ධයක්. ආචාර්ය ග්‍රීන්ග්‍රොස්  අවධානය යොමුකොට ඇත්තේ හාස්‍යය හා මිනිසුන් හිනා ගැස්විමට සමත් කරුණු පිලිබදවයි. වර්ෂ 2010දි ආචාර්ය ග්‍රීන්ග්‍රොස් ,මෙක්සිකෝ විශ්වවිද්‍යාලයේ   සගයකු සමග කල අධ්‍යනයකදී හාස්‍යය ලිංගික ආකර්ෂණය ඉහල නංවන බවත්,එතුලින් නිර්මාණශිලිබව හා   අනිකුත් සංවේදනයන් වර්ධනය වනබවත් සොයාගෙන තියෙනවා. හාස්‍ය රසය හදුනන තැනැත්තා  සරදම් කලයුතු අවස්ථාව මනාව වටහාගෙන,නිසිපරිදි එය පැවසීමට බුද්ධිමත්වන බව ආචාර්ය ග්‍රීන්ග්‍රොස්  වැඩිදුරටත් පවසනවා.

ඔබ නිදිවරන්නෙක් නම්

වර්ෂ 2009දි ප්‍රකාශයට පත්වූ අධ්‍යයනයකට අනුව රාත්‍රී නිදිවරන්නන්  කලින්ම නින්දට පිවිසෙන පුද්ගලයින්ට වඩා බුද්ධිමත්. එම පරික්ෂයෙන් හෙළිවී ඇත්තේ පාන්දරින් අවදිවන්නන් ,රාත්‍රියේ නිදිවරන්නන් හා සසදන විට ඉක්මනින් විඩාවට පත්වන බවයි. පෙර සිදුකල පරීක්ෂණ සමගත් සැසදීමේදී රාත්‍රී නිදිවරන්නන් , අන් පුද්ගලයින්ට වඩා දක්ෂ හා පොහොසත් බවද අනාවරණය වෙනවා.

ඔබ නිතර දුක්වන්නෙක් නම්

පසුගිය වසරේ සිදුකල පරීක්ෂණයකට අනුව  , වැඩිවශයෙන් සිත්තැවුලෙන් සිටින පුද්ගලයින් වචන භාවිතයේ දී වඩාත්  බුද්ධිමත් බව අනාවරණය වුණා. නිතරම තනිවී සිත් තැවුලෙන් සිටින්නන්, අනාගතයේදී සිදුවියහැකි ඍණාත්මක සිදුවීම් පිලිබදව සිතන්නන් මෙන්ම අතීතයේ සිදුවූ අමිහිරි මතකයන් සමග සැරිසරන්නන් , වචන භාවිතා කිරීමේදී වඩාත් බුද්ධිමත් බවක් පෙන්වන බව ලොවට හෙළිකලේ ලේක්හෙඩ් විශ්වවිද්‍යාලයේ ආචාර්ය ඇලෙක්ස් පෙනී විසින්. එසේම , වර්තමාන සමාජීය තත්වයන් පිලිබදව කනස්සල්ලට පත්වන්නන් අවාචික බුද්ධියෙන් පහල මට්ටමක සිටින බවත් නොරහසක්. වැඩිවශයෙන් සිත්තැවුලෙන් සිටින පුද්ගලයින්, වාචික බුද්ධියෙන් ඉදිරියෙන් සිටියත්, අනිත් අංශවලදී ඔවුන් පසුබහිනවා. නිතරම අමිහිරි මතක සිහි කිරීම තුලින් ඔවුන්ගේ අනිකුත් හැකියාවන් වියැකි යනබවයි පර්යේෂකයින්ගේ අදහස.

ඔබ නිරහංකාර නම්

මෙය හැදින්වෙන්නේ ඩුනින් කෘගර් අනුඵලය (Dunning Kruger Effect) ලෙසයි. මෙයින් පැහැදිලි කරන්නේ , කාර්යක්ෂමතාවය අඩු පුද්ගලයින්ගේ  බුද්ධි මට්ටම, කාර්යක්ෂම බව වැඩි පුද්ගලයින්ගේ බුද්ධි මට්ටමට වඩා වැඩිබවයි. සමාජයෙන් කොන්වූ පුද්ගලයින් නිතරම තමන් පිළිබද අධි තක්සේරුවෙන් සිටින්නේ මෙම හේතුව නිසා බව පර්යේෂකයින්ගේ අදහසයි

ඔබ පුසන්ට ආදරේ නම්

බල්ලන් හා පුසන් අතර න් පවතින සදාකාලික ගැටුම , ඔවුන්  සුරතලයට ඇතිකරන පුද්ගලයින් අතරටද ආරෝපණය වෙලා. වර්ෂ 2014දි සිදුකල අධ්‍යනයක ප්‍රථිපලයක් ලෙස හෙළිවී ඇත්තේ , පුස්  අයිතිකරුවන්ගේ බුද්ධි මට්ටම, බලු අයිතිකරුවන්ගේ බුද්ධි මට්ටමට සාපේක්ෂව ඉහල බවයි. මෙම සත්ව දෙවර්ගය සුරතලයට ඇති කරන පුද්ගලයින්ගේ පෞරුෂ ලක්ෂණ එකිනෙකට වෙනස්. පුස් අයිතිකරුවන් වඩාත් සංවේදී හා  විවෘත  මනසකින් යුක්ත වන අතර බලු අයිතිකරුවන් වඩාත් උද්යෝගිමත් පුද්ගලයින් ලෙස හදුනාගන්න පුළුවන්.  මෙම අධ්‍යයනය කොට ඇත්තේ කැරොල් විශ්ව විද්‍යාලයේ , විස්කොන්සින්  විසින්.

ඔබ පවුලේ වැඩිමහල් සොයුරා නම්

වර්ෂ 2007දි සිදුකල පර්යේෂණයක ප්‍රථිපලයක්  පෙන්වාදෙන්නේ,වැඩිමහල් සොයුරු සොයුරියන්ගේ බුද්ධි මට්ටම පවුලේ බාල සොයුරු සොයුරියන්ට වඩා  වැඩි මට්ටමක පවතින බවයි. නොර්වේ  ඔස්ලෝ නගරයේ පිහිටි වෘත්තිය සෞඛ්‍ය ආයතනයේ මහාචාර්යවරයකු වූ පීටර් ක්‍රිස්ටෙන්සන්  තමයි මේ පරික්ෂණය කරලා තියෙන්නේ.

 

මුලාශ්‍ර : www.dailymail.co.uk/…/From-swearing-staying-late-10-surprising-personality-traits-hig.

 

 

හොල්මන් වෙන හොල්මන් ගෙවල්

පුංචි කාලේ ඉදලම කිව්ව ගමන් ඇඟ කිළිපොලා යන වචනයක් තමයි හොල්මන් කියලා කියන්නේ. පස්සේ ඉතිං ලොකු වෙනකොට එහෙම බය ටික ටික ගියත් තාමත් ඉතිං කාට උනත් හොල්මන් ෆිල්ම් එකක් බලනකොට එහෙම මයිල් ඉස්මයිල් වෙනවා කියන එකනම් රහසක් නෙවේ. ඉතිං අද මේ කියන්න යන්නේ මේ හොල්මන් ඇත්තටම ඇස්දෙකට බලාගන්න පුළුවන් තැන් කිහිපයක් ගැනයි.

 

මවුන්ඩ්ස්විලේ බන්ධනාගාරය

වසර 100කට වැඩි කාලයක් තිස්සේ අතිශය දරුණු සිරකරුවන් විශාල ප්‍රමාණයකට නිවහන වුන මෙය පිහිටා තිබෙන්නේ ඇමෙරිකාවේ බටහිර වර්ජිනියා ප්‍රදේශයේ යි. අත්අඩංගුවට පත්වූ දහසකට අධික අපරාධකරුවන් ප්‍රමාණයකගේ ඉරණම විදුලි පුටුවක් මත හෝ එල්ලුම් ගහ මතදී විසඳුනේ මෙම බන්ධනාගාරය තුලදී යි. එමෙන්ම මෙහි සිරකරුවන්ට ජීවත් වීමට සිදුවූයේ ඉතාමත්ම පටු සිර කුටි තුලයි. මේ නිසා නිතරම පාහේ සිරකරුවන් අතර කැරලි කෝලාහල ඇතිවූ අතර ඒ නිසාද බොහෝ සිරකරුවන් මියගියා.1995දී මෙම බන්ධනාගාරය වසා දැමුවද තවමත් වධ හිංසාවන්ට ලක්වූවන්ගේ වියරු ආත්ම බන්ධනාගාරය පුරා ඇසීමට දැකීමට හැකි බව පැවසෙනවා.

ට්‍රාන්ස් ඇලෙජෙනි මානසික රෝහල

1864 වර්ෂයේ සිට දහස් ගණනක් වූ මානසික රෝගීන්ගේ නවාතැන්පොළ වූ මෙම ගුප්ත ස්ථානය පිහිටා තිබෙන්නේ ඇමෙරිකාවේ බටහිර වර්ජිනියාවේ වෙස්ටෝන් ප්‍රදේශයේ යි.මෙහි නේවාසිකව සිටියදී මියගිය රෝගීන් සංඛ්‍යාව විශාල සංඛ්‍යාවක්. weston
state Hospital යන නාමයෙනුත් හදුන්වන මෙම ස්ථානය 1994 වර්ෂයේදී වසා දමනු ලබනවා. මෙහි මුලින්ම විවිධ ගුප්ත සිදුවීම් පිළිබද වාර්තා වෙන්නේ ඇමෙරිකානු සිවිල් යුද්ධය සමයේදී යි. ඒ සමයේ මෙම ස්ථානය කඳවුරක් ලෙස භාවිතා වී ඇති අතර එහිදී සෙබළුන්ට විවිධ අසාමාන්‍ය අත්දැකීම් වලට මුහුණ දීමට සිදුව තිබෙනවා. ඔබත් හොල්මන් පිලිබඳ අත්දැකීමක් ගන්න කැමති නම් මෙම ස්ථානය ඔබට ගැලපෙනම ස්ථානයයි. මොකද මෙහි පැකේජ ක්‍රමයට හොල්මන් අත්දැකීම් ලබාගැනීමට අවස්ථාව ලබාදෙන බව ආරංචියි.

වැලිස්කා මිනීමැරුම් නිවස

ඒ 1912 ජුනි දහවෙනිදා…. ඇමෙරිකාවේ ලෝවා ජනපදයේ කුඩා නගරයක් වන වැලිස්කා හි පදිංචිව සිටි මුවර් මහතා ඔහුගේ බිරිඳ සහ ඔවුන්ගේ දරුවන් සතර දෙනා එදා සිටියේ වෙනදාටත් වඩා ඉතා ප්‍රීතියෙන්. පවුලේ මිතුරන් වූ තවත් ගැහැණු ළමයින් දෙදෙනෙකුත්
එකතු වූ ඔවුන්ගේ එදා රාත්‍රී භෝජනය ඔවුන්ගේ අවසාන භෝජනය යයි ඔවුන් කවදාවත් නොසිතන්න ඇති. කෙසේ වෙතත් මුළු අමෙරිකාවම හොල්ලමින් එදා රාත්‍රියේ කිසියම් අභිරහස් ඝාතකයෙක් විසින් ඔවුන් සියලු දෙනාවම එදා රාත්‍රියේ ඝාතනය කරනවා.
එම ඝාතකයා කිසිම දිනක පොලිසියට සොයා ගැනීමට පුළුවන් වෙන්නේ නැහැ. පසු කලෙක මෙම නිවසේ පදිංචියට එන නිවැසියන් අසාමාන්‍ය අත්දැකීම් වලට මුහුණ දෙනවා. රාත්‍රී කාලයේ පොරවක් අතින් ගත් යම් ඡායාවක් සහ කුඩා ළමුන් හඩන ශබ්ද මේ අතර
ප්‍රධාන වෙනවා. 1994 දී නැවත ප්‍රතිසංස්කරණය කරන ලද මෙම නිවස තුල කිසිම විදුලි බල්බයක් නොමැති ආකාරයට සකසා ඇති අතර ලන්තෑරුම් එළියෙන් අප්‍රේල් සිට නොවැම්බර් දක්වා කාලය තුල කණ්ඩායම් වශයෙන් මෙහි සංචාරයන්ට සහභාගී වෙන්න ඔබටත්
පුළුවන්..

සැමී ඩීන් ගේ අවතාරය

ජෙරෝම් කියලා කියන්නේ ඇමෙරිකාවේ ඇරිසෝනා ප්‍රාන්තයේ පිහිට තිබෙන කොපර් නිධි බහුල වෙච්ච පුංචි නගරයක්. අද වෙනකොට 400 දෙනෙක් පමණක් ඉන්න මේ ගම ඉස්සර නම් 15000 කට අධික ප්‍රමාණයකට නිවහන වුණා. අතීතයේ කැනීම් වලදී  සහ විවිධ අවස්ථාවලදී ඝාතනයට ලක්වූ බොහොමයකගේ සාපලත් ආත්ම මෙහි සැරිසරන බව ප්‍රචලිතයි. මේ අතරින් ජනප්‍රියම වන්නේ සැමි ඩීන් නම් වූ ගණිකාවකගේ අවතාරයයි. එකල සේවාදායකයෙකුගේ අතින් ගෙල සිර කිරීමට ලක්ව මිය ගිය ඇය සිය මිනීමරුවා සොයා තවමත් නගරය පුරා සැරිසරන බව ආරංචියි.

කියුබානු ක්ලබ් එක

ඇමෙරිකාවේ ෆ්ලොරිඩා ප්‍රාන්තයේ පිහිටා ඇති මෙය Circulo Cubano de Tampa යන නමින්ද හදුන්වනවා. 1917 වර්ෂයේදී සරණාගත කියුබානු වැසියන්ගේ රජදහනක් වූ මෙම ස්ථානය එකල නර්තන උළෙලවල් සංගීත සන්ද්‍යාවන්ගෙන් වර්ණවත් වුණා. අදටත් ඓතිහාසික වටිනාකමක් ඇති ස්ථානයක් ලෙස සංරක්ෂණය කර ඇති මෙය විශේෂ උත්සව අවස්ථා සඳහා භාවිතා කරනවා. විවිධ අසාමාන්‍ය අත්දැකීම් වලට මෙහිදී මුහුණ දී ඇති පිරිස අති විශාලයි. විශේෂයෙන් පියානෝව වාදනය වීම විදුලි සෝපානය ඉබේ ක්‍රියාත්මක වීම වැනි සිදුවීම් මෙහි බහුල බව සැලකෙනවා.

 

මේ වගේම තව හොල්මන් ඉන්න තැන් ටිකක් ගැන විස්තර අරන් ඉක්මනටම එනකම්
Diyaneth.com එක්ක දිගටම රැදිලා ඉන්න හොදේ……

 

– Travelchannel.com ඇසුරෙනි. –

 

කැරකැවෙන දඟකාරයා Fidget Spinner

 

මොනවද මේ Fidget Spinner…..????

මේ දවස්වල පොඩ්ඩන්ගේ අතේ විතරක් නෙවේ සමහර වැඩිහිටියන්ගේ අතෙත් දකින්න හම්බෙන අමුතුම විදිහේ සෙල්ලම් බඩුවක් තමයි Fidget Spinner කියන්නේ. මේක ප්‍රමාණයෙන් ඉතා කුඩා උපකරණයක්.

Fidget Spinner ලෝකය පුරා ජනප්‍රිය වෙන්න පටන් ගත්තේ මේ අවුරුද්දේ අප්‍රේල්  මාසෙදි වගේ උනත් මේ හා සමාන සෙල්ලම් බඩු අනූව දශකයේත් දකින්නට තිබුණ බව සැලවෙනවා. මෙහි ජනප්‍රියතාව කොච්චරද කියනවානම් බොහෝ රටවල් වල  පාසල් ළමුන් මෙය පාසල් වෙලාව තුල පන්තිකාමරය තුල පරිහරණය කිරීමට පටන් ගත් නිසා පාසල් තුල තහනම් භාණ්ඩයක් කිරීමට පරිපාලනය තීරණය කරනවා.

මානසික ආතතිය නිසා පෙනීමේ දුබලතා සහ කිසියම් දෙයකට අවධානය යොමුකිරීමේ දුබලතා ඇති අය සදහා උපකාරකයක් ලෙස Fidget Spinner හදුන්වාදෙනු ලැබුවා.එමෙන්ම මානසිකව අඩපණ පුද්ගලයන් , ADHD සහ ඔටිසම් තත්වයන්ගෙන් පීඩා විඳින තැනැත්තන් සදහාද Fidget Spinner නිර්දේශ කරනු ලැබූවා. නමුත් මෑත කාලින වාර්තා අනුවනම් Fidget Spinner ADHD සහ ඔටිසම් සදහා ප්‍රතිකර්ම ලෙස භාවිතා වෙන්නේ නැහැ. එනම් Fidget Spinner එම රෝග තත්ත්ව වලට සුදුසු බවට කිසිදු විද්‍යාත්මක ඔප්පු කිරීමක් නැහැ.

කොහොමද හැදිලා තියෙන්නේ….???

Fidget Spinner එක නිර්මාණය කරලා තියෙන්නේ පුංචි තල්ලුවකින් උනත් වේගයෙන් කරකැවීමේ හැකියාව ඇතුව. ප්ලාස්ටික් හෝ ලෝහ වලින් නිර්මාණය කර ඇති මෙය සමන්විත වෙන්නේ කොටස් තුනකට හෝ කිහිපයකට බෙදුණු පැතලි මතුපිටකින්. පැතලි මතුපිට ප්‍රදේශය සමන්විත වෙන්නේ ඉතාමත්ම සුමට පෘෂ්ඨයකින් යුත් බෝල බෙයාරීම් කිහිපයකින්. මේ නිසා ඉතාමත්ම කුඩා තල්ලුවකින් පවා වේගයෙන් කැරකීමේ හැකියාව මේ Fidget Spinner වෙත ලැබෙනවා.

Fidget Spinner එක අපි අල්ලන්නේ මැද තිබෙන පැතලි ප්‍රදේශයෙන්. බොහෝ විට මේ ප්‍රදේශය සැදීමට යොදා ගන්නේ පිත්තල , මල නොබැදෙන වානේ,ටයිටේනියම්,කොපර්,ඇලුමිනියම් හෝ ප්ලාස්ටික් වලින්. බෙයාරීම් හදලා තියෙන්නේ සුමට පෘෂ්ඨ ඇති සෙරමික් හෝ
ලෝහ වලින්. Fidget Spinner එකක කැරකැවෙන කොටස තරමක් බර වැඩි ලෙස සකසා තිබෙන්නේ වැඩි වේගයක් ලබා ගැනීමට මෙන්ම සමබරතාව ආරක්ෂා කරගැනීමටයි.මේ නිසා භාවිතා කරන පුද්ගලයාට Fidget Spinner මගින් විවිධ සෙල්ලම් පෙන්වීමේ හැකියාව ලබා දෙනවා.

Fidget Spinner වල උපත….

                  – කැත්රින් හෙටින්ගර් –

2017 වර්ෂයට අනුව නම් Fidget Spinner වල පේටන්ට් බලපත්‍රය පිලිබඳ නිසි තොරතුරක් තිබුනේ නැහැ.

සමහර ජනප්‍රිය පුවත්පත් වාර්තා කර තිබූ ආකාරයට වෘත්තියෙන් ඉංජිනේරුවරියක් වූ කැත්රින් හෙටින්ගර් හට Fidget Spinner හදුන්වා දීමේ ගෞරවය හිමිවුණා. ඇය කැරකැවෙන සෙල්ලම් බඩුවක් වෙනුවෙන් 1993 වර්ෂයේදී පේටන්ට් බලපත්‍රය ලබාගෙන තිබුනත් අනුග්‍රාහකයෙක් හමු නොවීම හේතුවෙන් ඇය 2005 වසරෙන් පසු එම බලපත්‍රය අලුත් කර තිබුනේ නැහැ. එම නිසා ඇයට එම හිමිකාරිත්වය නොලැබුණු අතර ඇය එම තීරණය භාරගත්තා.

Fidget Spinner වල ජනප්‍රියත්වය…..

 

                        – Fidget Spinnerහි ජනප්‍රියත්වය –

2017 වර්ෂයේ ඇතිවූ අතිශය ජනප්‍රියතාව නිසා බොහෝ තරුණ පිරිස් සහ කුඩා ළමයි අතර Fidget Spinner උන්මාදයක් හටගත්තා. පාසල් කාලය තුල Fidget Spinner භාවිතයට සහ Fidget Spinner අලෙවි කිරීමට මොවුන් පටන් ගැනීමත් සමග ඔවුන්ගේ පාසල් ක්‍රියාකාරකම් කෙරෙහි ඇති උනන්දුවේ අඩු බව පිලිබදව ගුරුවරු පැමිණිලි කරන්නට පටන් ගත්තා. අවසානයේ Fidget Spinner පාසල් වෙලාව තුල තහනම් උපකරණයක් කිරීමට විදුහල්පතිවරු ක්‍රියාකරන්නට වුණා.

 

 

ලක්දිව ගිලගන්නා මත් උවදුර

වර්තමානයේ ලංකාවේ බාල මහලු බොහෝ පිරිස් මත්ද්රව්ය භාවිතයට ඇබැහි වී ඇත. පොල් රා, කිතුල් රා වැනි දේශීයව නිපදවා ගන්නා මත් ද්රව්ය ඈත අතීතයේ සිටම ලාංකිකයන් භාවිතා කර තිබේ.
නමුත් එය ලංකාව තුළ හානිකර ලෙස ව්යාප්ත වීම ආරම්භ වුයේ 1505 දී ලංකාවට පැමිණි පෘතුගීසින්, ඉන්පසුව ලන්දේසින් සහ අප රට ආක්රමණය කළ ඉංග්රීසින් මගිනි. මීට බලපෑ ප්රධානතම හේතුව ලෙස 1978 හදුන්වා දෙනු ලැබූ විවෘත ආර්ථික ප්රතිපත්තිය සැලකිය හැක.
ආනයන අපනයන වෙළඳ කටයුතු හේතුවෙන් මෙරටට විවිධ මත්ද්රව්යන් නීති විරෝධී ලෙස පැමිණෙන්නට විය. එදා මෙදා තුර මත් උවදුර ලංකාවේ නොවිසදුන ගැටලුවක් බවට පත් වී ඇත.
මෙලෙස ලංකාව මත් උවදුරෙහි ගොදුරක් බවට පත් වීමට ලංකාවෙ පිහිටීමද හේතු වී ඇත. එනම් ලංකාව ලොව ප්රධානතම හෙරොයින් නිෂ්පාදන මධ්යස්ථාන වන ලාඕසය, බුරුමය, තායිලන්තය, ඇෆ්ගනිස්තානය, ඉරානය, පකිස්තානය යන රටවල්වලට මධ්යස්ථව පිහිටිමද ඒ සදහා හේතු වී තිබේ.
මත්ද්රව්ය ප්රබල රසායනයකි. එය මොළය කේන් ද් ර කර ගනිමින් මුලු මහත් ශරීරයටම ප් රබල බලපෑමක් එල්ල කරයි. මොලය ඇසුරු කර ගත් හෝමෝන මගින් මිනිස් සිතුවිලි වලට පවා බලපෑම් එල්ල කරමින් එය ප් රබල ඇබැහි බවක් ද ඇති කරයි.
මීට වැඩිපුරම ගොදුරු වන්නේ ජාතියේ ජීවනාලිය වන ළමා හා තරුණ පරපුරයි. එම නිසා ඔබ අප සියලු දෙනා මත් උවදුර පිටුදැකීම සදහා පෙරමුණ ගෙන කටයුතු කළ යුතුය.

හීන අල්ලන Dream Catcher

Dream Catcher අද වෙනකොට ලෝකේ පුරාම අතිශය ජනප්‍රිය සැරසිල්ලක් වෙලා. අපේ රටෙත් Dream Catcher කොච්චර ජනප්‍රියද කියලා කියන්න ඕනි නෑ නේ.

ඉතිං අද කියන්න යන්නේ මේ Dream Catcher ගැන…..

 

ඉතිහාසය

Dream Catcher වල අයිතිකාරයෝ විදිහට සැලකෙන්නේ දේශීය ඇමෙරිකානු ජනතාව. අද වෙනකොට විවිධ ප්‍රමාණවලට , විලාසිතාවලට හා විවිධ පාටින් එන Dream Catcher ප්‍රධාන වශයෙන් කොටස් දෙකකින් යුක්තයි. ඒ මකුළු දැලක් සිහිවෙන ආකාරයට නූල් වලින් වියන ලද රටා සහිත ලී රවුමක් සහ එයට එල්ලෙන ලෙස සම්බන්ධ කල පුජනීය යයි සැලකෙන විවිධ පාට පිහාටු සහ පබළු සහිත කොටසයි. නියම සාම්ප්‍රදායික Dream Catcher එකක් සම්පුර්ණයෙන්ම අතින් නිම කල සහ ස්වාභාවික ද්‍රව්‍ය උපයෝගී කරගෙන කල නිර්මාණයක්. මෙහිදී ලී රවුම ලෙස භාවිතා කරන්නේ විලෝ ලීයක්. ඒ වගේම මේ ලී රවුම ලෙදර් වලින් ආවරණය කර නිමවීමත් නියම Dream Catcher වල ප්‍රධාන ලක්ෂණයක්.

මුල් අයිතිකාරයෝ

දේශීය ඇමෙරිකානු ගෝත්‍ර පනහක් පමණ ජීවත් වෙන අතර මේ අතරින් Dream Catcher වල අයිතිය සදහා ගෝත්‍ර දෙකක් නම් වෙනවා. උතුරු ඇමෙරිකාව ආශ්‍රිතව ජීවත් වෙන ඔජිබ්වේ ගෝත්‍රය සහ ලකෝටා ගෝත්‍රය යි. නමුත් තොරතුරු පිරික්සීමේදී Dream Catcher නිර්මාණයට වැඩි අයිතියක් හිමිවෙන්නේ ඔජිබ්වේ ගෝත්‍රයටයි.ජනවාර්ගික ග්‍රන්ථ වලට අනුව ඔජිබ්වේ ගෝත්‍රිකයන් නිර්මාණය කරන මේ Dream Catcher විවාහ සම්බන්ධතා සහ වෙලදාම් කටයුතු නිසා අනෙක් ගෝත්‍ර වලටද ව්‍යාප්ත වී තිබෙනවා. ඔජිබ්වේ ගෝත්‍රිකයන් Dream Catcher හදුන්වන්නේ asabikeshiinh යන නමින්. එහි තේරුම “මකුළුවා” යන්නයි. මකුළු දැලක් ආකාරයට වියන ලද නූල් සැරසිල්ල මෙයට හේතු වෙනවා. Dream Catcherහි දකින්නට ලැබෙන මේ විවිධ නූල් රටා මෙම ගෝත්‍රිකයින් හිමේ යාම සදහා භාවිතා කරන සපත්තු වලද දකින්න පුළුවන්.

අතීත කතාව

බොහෝ ඇමෙරිකානු ගෝත්‍ර මකුලුවන්ව තරමක් බියජනක සත්තු විශේෂයක් විදිහට සලකනවා. ඔජිබ්වේ ගෝත්‍රය මකුලුවන්ව සලකන්නේ ආරක්ෂාවේ සහ සැපපහසු බවේ සංකේතයක් විදිහටයි. ඔවුන්ට අනුව ඔජිබ්වේ ගෝත්‍රයේ ගෝත්‍රිකයන්ගේ ආත්ම
ආරක්ෂාකරන අද්භූත මකුළු කාන්තාවක් අතීතයේ ජීවත්වී තිබෙනවා. විශේෂයෙන් තරුණ පිරිසට හා කුඩා දරුවන්ට ඇයගේ ආරක්ෂාව ලැබී තිබෙනවා. නමුත් ක්‍රමයෙන් ගෝත්‍රය විශාල වීමත් සමග පිරිස් විවිධ ප්‍රදේශ කරා සංක්‍රමණය වෙන්න පටන් ගන්නවා. එහිදී පෙර ආකාරයට සියලුම දෙනා පිලිබදව විමසීමෙන් සිටීමට ඇති නොහැකියාව නිසා මෙම කාන්තාව Dream Catcher නිර්මාණය කරනවා. එය මගින් පෙර පරිදි ඇයගේ ආරක්ෂාව ගෝත්‍රිකයන්ට ලැබෙන බව විශ්වාස කෙරෙනවා. ඇයගේ මග ඔස්සේ යන
පසු පරම්පරාවල මව්වරු තම දරුවන්ගේ සහ පවුලේ අයගේ ආරක්ෂාව සදහා Dream Catcher නිර්මාණය කරනවා.

Dream Catcher ඇත්තටම මොකද කරන්නේ….???

විශ්වාසයන්ට අනුව Dream Catcher මගින් නින්දේදී පෙනෙන නපුරු හීන වලින් ආරක්ෂාවක් ලබාදෙනවා. විශේෂයෙන් කුඩා දරුවන්ට මේ මගින් ආරක්ෂාවක් ලබාදෙන බව විශ්වාස කෙරෙනවා. බොහෝ ඇමෙරිකානු ගෝත්‍ර වල විශ්වාසයන්ට අනුව රාත්‍රී අන්ධකාරය නපුරු සහ හොද හීන වලින් පිරී තිබෙනවා. නිදාගන්නා ස්ථානයට ඉහලින් Dream Catcher එකක් එල්ලා තැබීම මගින් නින්දේදී අප වෙත පැමිණෙන නරක හීන රදවාගෙන සුබ සිහින වලට පමණක් අප වෙත පැමිණීමට ඉඩ ලබා දෙනවා. උදේ හොදින් හිරු එලිය වැටෙන තැනක Dream Catcher එක එල්වා තැබිය යුතු බව සැලකෙන්නේ රාත්‍රී කාලයේ ග්‍රහණය කරගන්නා නපුරු හීන හිරු එළියෙන් පුච්චා
දැමීමට බව විශ්වාස කෙරෙනවා.

Dream Catcher සංකේත කරන්නේ මොනවාද…..???

Dream Catcher එකක හැම කොටසකටම තේරුමක් තියෙනවා. ඒ හැම දෙයක්ම ස්වභාවික ලෝකය හා සම්බන්ධ විවිධ හේතූන්. Dream Catcher එකක් වෘත්තාකාර වීම සංකේතවත් කරන්නේ මිනිසාගේ ජීවන චක්‍රය සහ හිරු සහ චන්ද්‍රයා ගේ චලනය බව සලකනවා. නූල් වලින් වියන ලද දැල මගින් නරක හීන ග්‍රහණය කරගන්නා බව සලකනවා. පිහාටු මගින් හොද හීන අදාළ පුද්ගලයාගේ නින්ද තුලට කිසිම බාධාවකින් තොරව ඇතුළු කරන්න භාවිතා කරන බව සලකනවා. පබළු පිලිබදව නම් විශ්වාස දෙකක් තියෙනවා. සමහරු විශ්වාස කරන්නේ පබළු මගින් සංකේතවත් කරන්නේ මකුළු දැල නිර්මාණය කරන මකුලුවා වූවත් සමහරු නම් විශ්වාස කරන්නේ පබළු මගින් සමහර සුබ සිහින ජීවිත කාලය පුරාවටම රදවා තියාගන්න උදව් කරන බවයි.